“Sataraṁsī nāma sambuddho, sayambhū aparājito; Vuṭṭhahitvā samādhimhā, bhikkhāya mamupāgami.

Paccekabuddhaṁ disvāna, ambayāguṁ adāsahaṁ; Vippasannamanaṁ tassa, vippasannena cetasā.

Catunnavutito kappe, yaṁ kammamakariṁ tadā; Duggatiṁ nābhijānāmi, ambayāguyidaṁ phalaṁ.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā ambayāgudāyako thero imā gāthāyo abhāsitthāti.

Ambayāgudāyakattherassāpadānaṁ chaṭṭhaṁ.