“Himavantassāvidūre, vasabho nāma pabbato; Tasmiṁ pabbatapādamhi, assamo āsi māpito.

Tīṇi sissasahassāni, vācesiṁ brāhmaṇo tadā; Saṁharitvāna te sisse, ekamantaṁ upāvisiṁ.

Ekamantaṁ nisīditvā, brāhmaṇo mantapāragū; Buddhavedaṁ gavesanto, ñāṇe cittaṁ pasādayiṁ.

Tattha cittaṁ pasādetvā, nisīdiṁ paṇṇasanthare; Pallaṅkaṁ ābhujitvāna, tattha kālaṅkato ahaṁ.

Ekattiṁse ito kappe, yaṁ saññamalabhiṁ tadā; Duggatiṁ nābhijānāmi, ñāṇasaññāyidaṁ phalaṁ.

Sattavīsatikappamhi, rājā siridharo ahu; Sattaratanasampanno, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā rahosaññako thero imā gāthāyo abhāsitthāti.

Rahosaññakattherassāpadānaṁ pañcamaṁ.