“Bhuñjantaṁ samaṇaṁ disvā, vippasannamanāvilaṁ; Ghaṭenodakamādāya, siddhatthassa adāsahaṁ.

Nimmalo homahaṁ ajja, vimalo khīṇasaṁsayo; Bhave nibbattamānamhi, phalaṁ nibbattate mama.

Catunnavutito kappe, udakaṁ yamadāsahaṁ; Duggatiṁ nābhijānāmi, dakadānassidaṁ phalaṁ.

Ekasaṭṭhimhito kappe, ekova vimalo ahu; Sattaratanasampanno, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā udakadāyako thero imā gāthāyo abhāsitthāti.

Udakadāyakattherassāpadānaṁ chaṭṭhaṁ.