“Kammārohaṁ pure āsiṁ, tivarāyaṁ puruttame; Ekā vāsi mayā dinnā, sayambhuṁ aparājitaṁ.

Catunnavutito kappe, yaṁ vāsimadadiṁ tadā; Duggatiṁ nābhijānāmi, vāsidānassidaṁ phalaṁ.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā vāsidāyako thero imā gāthāyo abhāsitthāti.

Vāsidāyakattherassāpadānaṁ dasamaṁ.

Udakāsanavaggo catuvīsatimo.

Tassuddānaṁ

Udakāsanabhājanaṁ, sālapupphī kilañjako; Vedikā vaṇṇakāro ca, piyālaambayāgado; Jagatī vāsidātā ca, gāthā tiṁsa ca aṭṭha ca.