“Araññā gāmamāgamma, kiṁsīlaṁ kiṁvataṁ ahaṁ; Purisaṁ tāta seveyyaṁ, taṁ me akkhāhi pucchito”.

“Yo taṁ vissāsaye tāta, vissāsañca khameyya te; Sussūsī ca titikkhī ca, taṁ bhajehi ito gato.

Yassa kāyena vācāya, manasā natthi dukkaṭaṁ; Urasīva patiṭṭhāya, taṁ bhajehi ito gato.

Haliddirāgaṁ kapicittaṁ, purisaṁ rāgavirāginaṁ; Tādisaṁ tāta mā sevi, nimmanussampi ce siyā”ti.

Araññajātakaṁ aṭṭhamaṁ.