“Vanaṁ yadaggi dahati, pāvako kaṇhavattanī; Kathaṁ karosi pacalaka, evaṁ dandhaparakkamo”.

“Bahūni rukkhachiddāni, pathabyā vivarāni ca; Tāni ce nābhisambhoma, hoti no kālapariyāyo”.

“Yo dandhakāle tarati, taraṇīye ca dandhati; Sukkhapaṇṇaṁva akkamma, atthaṁ bhañjati attano.

Yo dandhakāle dandheti, taraṇīye ca tārayi; Sasīva rattiṁ vibhajaṁ, tassattho paripūratī”ti.

Gajakumbhajātakaṁ pañcamaṁ.