“Ko me vandati pādāni, iddhiyā yasasā jalaṁ; Abhikkantena vaṇṇena, sabbā obhāsayaṁ disā”ti.

“Maṇḍūkohaṁ pure āsiṁ, udake vārigocaro; Tava dhammaṁ suṇantassa, avadhī vacchapālako.

Muhuttaṁ cittapasādassa, iddhiṁ passa yasañca me; Ānubhāvañca me passa, vaṇṇaṁ passa jutiñca me.

Ye ca te dīghamaddhānaṁ, dhammaṁ assosuṁ gotama; Pattā te acalaṭṭhānaṁ, yattha gantvā na socare”ti.

Maṇḍūkadevaputtavimānaṁ paṭhamaṁ.