“Akaramhasa te kiccaṁ, yaṁ balaṁ ahuvamhase; Migarāja namo tyatthu, api kiñci labhāmase”.

“Mama lohitabhakkhassa, niccaṁ luddāni kubbato; Dantantaragato santo, taṁ bahuṁ yampi jīvasi”.

“Akataññumakattāraṁ, katassa appaṭikārakaṁ; Yasmiṁ kataññutā natthi, niratthā tassa sevanā.

Yassa sammukhaciṇṇena, Mittadhammo na labbhati; Anusūyamanakkosaṁ, Saṇikaṁ tamhā apakkame”ti.

Sakuṇajātakaṁ aṭṭhamaṁ.