“Viditaṁ thusaṁ undurānaṁ, Viditaṁ pana taṇḍulaṁ; Thusaṁ thusaṁ vivajjetvā, Taṇḍulaṁ pana khādare.

Yā mantanā araññasmiṁ, yā ca gāme nikaṇṇikā; Yañcetaṁ iti cīti ca, etampi viditaṁ mayā.

Dhammena kira jātassa, pitā puttassa makkaṭo; Daharasseva santassa, dantehi phalamacchidā.

Yametaṁ parisappasi, ajakāṇova sāsape; Yopāyaṁ heṭṭhato seti, etampi viditaṁ mayā”ti.

Thusajātakaṁ aṭṭhamaṁ.